|
[1] מודע אנא לכונ דינ אחי אונגליונ דסברתכונ וקבלתוניהי וקמתונ בה
[2] ובה חאינ אנתונ באידא מלתא סברתכונ אנ עהדינ אנתונ אנ לא הוא סריקאית הימנתונ
[3] אשׁלמת לכונ גיר מנ לוקדמ איכ מדמ דקבלת דמשׁיחא מית על אפי חטהינ איכנא דכתיב
[4] ודאתקבר וקמ לתלתא יומינ איכ דכתיב
[5] ואתחזי לכאפא ובתרה לתרעסר
[6] ובתרכנ אתחזי ליתיר מנ חמשׁמאא אחינ אכחדא דסגיאא מנהונ קימינ אנונ עדמא להשׁא ומנהונ דמכו
[7] ומנ בתר הלינ אתחזי ליעקוב ובתרה לשׁליחא כלהונ
[8] לחרתא דינ דכלהונ איכ דליחטא אתחזי אפ לי
[9] אנא אנא גיר זעורהונ דשׁליחא ולא שׁוא אנא דאתקרא שׁליחא מטל דרדפת עדתה דאלהא
[10] בטיבותה דינ דאלהא איתי מדמ דאיתי וטיבותה דבי לא הות סריקא אלא יתיר מנ כלהונ לאית לא אנא אלא טיבותה דעמי
[11] אנ אנא הכיל ואנ הנונ הכנא מכרזיננ והכנא הימנתונ
[12] אנ דינ משׁיחא מתכרז דקמ מנ בית מיתא איכנא אית בכונ אנשׁא דאמרינ לית חית מיתא
[13] ואנ חית מיתא לית אפלא משׁיחא קמ
[14] ואנ משׁיחא לא קמ סריקא הי כרוזותנ סריקא אפ הימנותכונ
[15] משׁתכחינ חננ דינ אפ סהדא דגלא דאלהא דאסהדנ על אלהא דאקימ למשׁיחא כד לא אקימ
[16] אנ מיתא גיר לא קימינ אפלא משׁיחא קמ
[17] ואנ משׁיחא לא קמ בטלא הי הימנותכונ ועדכיל בחטהיכונ אנתונ
[18] וכבר אפ אילינ דדמכו במשׁיחא אבדו להונ
[19] ואנ בהלינ הו חיא בלחוד מסבריננ במשׁיחא דויננ הו מנ כלהונ בנינשׁא
[20] השׁא דינ משׁיחא קמ מנ בית מיתא והוא רשׁיתא דדמכא
[21] ואיכנא דביד ברנשׁא הוא מותא הכנא אפ ביד ברנשׁא הויא חית מיתא
[22] איכנא גיר דבאדמ כלהונ בנינשׁא מיתינ הכנא אפ במשׁיחא כלהונ חאינ
[23] אנשׁ אנשׁ בטכסה רשׁיתא הוא משׁיחא בתרכנ אילינ דדמשׁיחא אנונ במאתיתה
[24] והידינ תהוא חרתא מא דמשׁלמ מלכותא לאלהא אבא מא דבטל כל רישׁ וכל שׁולטנ וכל חילינ
[25] עתיד הו גיר דנמלכ עדמא דנסימ בעלדבבוהי כלהונ תחית רגלוהי
[26] ואחריא בעלדבבא מתבטל מותא
[27] כל גיר שׁעבד תחית רגלוהי מא דאמר דינ דכלמדמ משׁתעבד לה ידיעא דסטר מנ הו דשׁעבד לה כל
[28] ומא דאשׁתעבד לה כל הידינ הו ברא נשׁתעבד להו דשׁעבד לה כל דנהוא אלהא כל בכל
[29] ואלא מנא נעבדונ הנונ דעמדינ חלפ מיתא אנ מיתא לא קימינ מנא עמדינ חלפ מיתא
[30] ולמנא אפ חננ בכל שׁעא בקנדינוס קימיננ
[31] ימא אנא בשׁובהרכונ אחי דאית לי במרנ ישׁוע משׁיחא דכליומ מאת אנא
[32] אנ איכ דבית בנינשׁא אשׁתדית לחיותא באפסוס מנא אתהנית אנ מיתא לא קימינ נאכול ונשׁתא מחר גיר מיתיננ
[33] לא תטעונ מחבלנ רעינא בסימא שׁועיתא בישׁתא
[34] אעירו לבכונ זדיקאית ולא תחטונ אית גיר אנשׁא דידעתא דאלהא לית בהונ לבהתתכונ הו אמר אנא
[35] נאמר אנשׁ מנכונ דאיכנא קימינ מיתא ובאינא פגרא אתינ
[36] סכלא זרעא דזרע אנת אנ לא מאת לא חיא
[37] והו מדמ דזרע אנת לא הוא הו פגרא דעתיד למהוא זרע אנת אלא פרדתא ערטליתא דחטא או דסערא או דשׁרכא דזרעונא
[38] אלהא דינ יהב לה פגרא איכנא דצבא ולחד חד מנ זרעונא פגרא דכינה
[39] לא הוא דינ כל פגר שׁוא אחרינ הו גיר פגרא דבר אנשׁא ואחרינ דבעירא ואחרינ דפרחתא ואחרינ דנונא
[40] ואית פגרא שׁמינא ואית פגרא ארעניא אלא אחרינ הו שׁובחא דשׁמינא ואחרינ דארעניא
[41] ואחרינ הו שׁובחא דשׁמשׁא ואחרינ שׁובחא דסהרא ואחרינ שׁובחא דכוכבא וכוכבא מנ כוכבא מיתר הו בשׁובחא
[42] הכנא אפ חית מיתא מזדרעינ בחבלא קימינ דלא חבלא
[43] מזדרעינ בצערא קימינ בשׁובחא מזדרעינ בכריהותא קימינ בחילא
[44] מזדרעינ פגרא נפשׁניא קאמ פגרא רוחניא אית גיר פגרא דנפשׁ ואית פגרא דרוח
[45] הכנא אפ כתיב הוא אדמ ברנשׁא קדמיא לנפשׁ חיא ואדמ אחריא לרוחא מחיניתא
[46] אלא לא הוא לוקדמ רוחניא אלא נפשׁניא והידינ רוחניא
[47] ברנשׁא קדמיא עפרנא דמנ ארעא ברנשׁא דתרינ מריא מנ שׁמיא
[48] איכנא דאיתוהי הו עפרנא הכנא אפ עפרנא ואיכנא דאיתוהי הו דמנ שׁמיא הכנא אפ שׁמינא
[49] ואיכ דלבשׁנ דמותא דהו דמנ עפרא הכנא נלבשׁ דמותא דהו דמנ שׁמיא
[50] הדא דינ אמר אנא אחי דבסרא ודמא מלכותא דשׁמיא למארת לא משׁכחינ ולא חבלא ירת לא מתחבלנותא
[51] הא אמר אנא לכונ ארזא לו כלנ נדמכ כלנ דינ נתחלפ
[52] חריפאית איכ רפפ עינא בקרנא אחריתא כד תקרא ונקומונ מיתא דלא חבלא וחננ נתחלפ
[53] עתיד הו גיר הנא דמתחבל דנלבשׁ לא מתחבלנותא והנא דמאת דנלבשׁ לא מיותותא
[54] מא דלבשׁ דינ הנא דמתחבל לא מתחבלנותא והנא דמאת לא מיותותא הידינ תהוא מלתא הי דכתיבא דאתבלע מותא בזכותא
[55] איכו עוקסכ מותא או איכא הי זכותכי שׁיול
[56] עוקסה דינ דמותא חטיתא הי וחילא דחטיתא נמוסא הו
[57] טיבו דינ לאלהא דיהב לנ זכותא ביד מרנ ישׁוע משׁיחא
[58] מכיל אחי וחביבי הוו משׁררינ ולא תהוונ מתזיעינ אלא הוו מתיתרינ בכלזבנ בעבדה דמריא כד ידעינ אנתונ דעמלכונ לא הוא סריק במריא
|