|
[1] ואנתונ ידעינ אנתונ אחי דמעלננ דלותכונ לא הוא סריקאית הוא
[2] אלא לוקדמ חשׁננ ואצטערננ איכ דידעינ אנתונ בפיליפוס והידינ באגונא רבא מללנ עמכונ בפרהסיא דאלהנ סברתה דמשׁיחא
[3] בויאנ גיר לא הוא מנ טעיותא אפ לא מנ טנפותא אפ לא בנכלא
[4] אלא איכ מא דבקינ חננ לאלהא דתתהימנ סברתה הכנא ממללינ חננ לא איכ דלבנינשׁא נשׁפר אלא לאלהא הו דבקא לבותנ
[5] אפ לא גיר מנ מתומ אתחשׁחנ בממללא שׁדלא איכ דידעינ אנתונ ולא בעלתא דיענותא אלהא סהד
[6] ולא בעינ שׁובחא מנ בני אנשׁא לא מנכונ ולא מנ אחרנא כד משׁכחינ הוינ יקירא למהוא איכ שׁליחא דמשׁיחא
[7] אלא הוינ בינתכונ מכיכא ואיכ מרביניתא דמחבבא בניה
[8] הכנא אפ חננ מחבבינ חננ ומסוחינ חננ למתל לכונ לא בלחוד סברתה דאלהא אלא אפ נפשׁנ מטל דחביבינ אנתונ
[9] עהדינ אנתונ גיר אחינ דלאינ הוינ ועמלינ בעבד אידינ בלליא ובאיממא דעל חד מנכונ לא נאקר
[10] אנתונ סהדינ ואלהא איכנא אכרזנ לכונ סברתה דאלהא דכיאית וכאנאית ודלא רשׁינ הוינ לות כלהונ מהימנא
[11] איכנא דידעינ אנתונ דמנ חד חד מנכונ איכ אבא מנ בנוהי בעינ הוינ ומלינ הוינ בלבכונ ומסהדינ חננ לכונ
[12] דתהלכונ איכ דיאא לאלהא הו דקרכונ למלכותה ולשׁובחה
[13] מטל הנא אפ חננ מודינ חננ אמינאית לאלהא דמלתא דאלהא דקבלתונ מננ לא הוא איכ מלתא דבנינשׁא קבלתונה אלא איכנא דאיתיה שׁריראית מלתא דאלהא והי בעבדא מסתערא בכונ באילינ דמהימנינ
[14] אנתונ דינ אחינ אתדמיתונ לעדתא דאלהא דביהוד הלינ דבישׁוע משׁיחא דהכנ סיברתונ אפ אנתונ מנ בני שׁרבתכונ איכנא דאפ הנונ מנ יהודיא
[15] הנונ דלמרנ ישׁוע משׁיחא קטלו ולנביא דמנהונ ולנ רדפו ולאלהא לא שׁפרינ ועבידינ סקובלא לכלהונ בנינשׁא
[16] דכלינ לנ דנמלל עמ עממא דנחונ למשׁלמו חטהיהונ בכל זבנ מטי דינ עליהונ רוגזא עדמא לחרתא
[17] חננ דינ אחינ הוינ יתמא מנכונ זבנא דשׁעתא באפינ ולא בלבנ ויתיראית אתחפטנ למחזא אפיכונ בחובא סגיאא
[18] וצבינ דנאתא לותכונ אנא פולוס חדא זבנ ותרתינ ועוכני סטנא
[19] אינו גיר סברנ וחדותנ וכלילא דשׁובהרנ אלא אנ אנתונ קדמ מרנ ישׁוע במאתיתה
[20] אנתונ אנונ גיר תשׁבוחתנ וחדותנ
|