|
[1] וכד חר פולוס בכנשׁהונ אמר גברא אחי אנא בכל תארתא טבתא אתדברת קדמ אלהא עדמא ליומנא
[2] וחנניא כהנא פקד להנונ דקימינ על גבה דנמחונה לפולוס על פומה
[3] ופולוס אמר לה עתיד הו אלהא דנמחיכ אסתא מחורתא ואנת יתב אנת דאנ אנת לי איכ דבנמוסא כד עבר אנת על נמוסא ופקד אנת דנמחונני
[4] ואילינ דקימינ הוו תמנ אמרינ לה לכהנא דאלהא מצחא אנת
[5] אמר להונ פולוס לא ידע הוית אחי דכהנא הו כתיב הו גיר דלרשׁא דעמכ לא תלוט
[6] וכד ידע פולוס דמנה דעמא איתוהי דזדוקיא ומנה דפרישׁא קעא הוא בכנשׁא גברא אחי אנא פרישׁא אנא בר פרישׁא ועל סברא דקימתא דמיתא מתדינ אנא
[7] וכד הדא אמר נפלו חד בחד פרישׁא וזדוקיא ואתפלג עמא
[8] זדוקיא גיר אמרינ דלית קימתא ולא מלאכא ולא רוחא פרישׁא דינ מודינ בכלהינ
[9] והוא קלא רבא וקמו אנשׁא ספרא מנ גבא דפרישׁא ונצינ הוו עמהונ ואמרינ לא משׁכחיננ מדמ דבישׁ בהנא גברא אנ דינ רוחא או מלאכא מלל עמה מנא אית בה בהדא
[10] וכד הוא שׁגושׁיא רבא בינתהונ דחל הוא כלירכא דלמא נפשׁחונה לפולוס ושׁלח לרהומיא דנאתונ נחטפונה מנ מצעתהונ ונעלונה למשׁריתא
[11] וכד הוא לליא אתחזי לה מרנ לפולוס ואמר לה אתחיל מטל דאיכ דאסהדת עלי באורשׁלמ הכנא עתיד אנת דאפ ברהומא תסהד
[12] וכד הוא צפרא אתכנשׁו הוו אנשׁינ מנ יהודיא ואחרמו עליהונ דלא נאכלונ ולא נשׁתונ עדמא דנקטלונה לפולוס
[13] הוינ הוו דינ הנונ דאקימו במומתא הנא קימא יתיר מנ ארבעינ גברינ
[14] ואתקרבו לות כהנא ולות קשׁישׁא ואמרינ הוו דחרמא אחרמנ עלינ דמדמ לא נטעמ עדמא דנקטול לפולוס
[15] והשׁא בעו אנתונ ורשׁא דכנושׁתא מנ כלירכא דניתיוהי לותכונ איכ בעינ אנתונ דתבצונ שׁריראית סוערנה וחננ מטיביננ דנקטליוהי עדלא נמטא לותכונ
[16] ושׁמע הוא בר חתה דפולוס אפרסנא הנא ועל למשׁריתא ובדק לפולוס
[17] ושׁדר פולוס קרא לחד מנ קנטרונא ואמר לה אובל לעלימא הנא לות כלירכא אית לה גיר מדמ דנאמר לה
[18] ודברה קנטרונא לעלימא ואעלה לות כלירכא ואמר פולוס אסירא קרני ובעא מני דאיתא הנא עלימא לותכ דאית לה מדמ דנאמר לכ
[19] ואחדה באידה כלירכא לעלימא ונגדה לחד גבא ומשׁאל הוא לה דמנא אית לכ דתאמר לי
[20] ואמר לה עלימא יהודיא אתחשׁבו דנבעונ מנכ דתחת לפולוס מחר לכנשׁהונ איכ צבינ מדמ יתיר דנאלפונ מנה
[21] אנת הכיל לא תתטפיס להונ הא גיר יתיר מנ ארבעינ גברינ מנהונ נטרינ לה בכמאנא ואחרמו על נפשׁהונ דלא נאכלונ ולא נשׁתונ עדמא דנקטלונה והא מטיבינ ומקוינ לשׁוודיכ
[22] ושׁריהי כלירכא לעלימא כד פקדה דאנשׁ לא נדע דהלינ בדקת לי
[23] וקרא לתרינ קנטרונינ ואמר להונ זלו עתדו רהומיא מאתינ דנאזלונ לקסריא ופרשׁא שׁבעינ ושׁדיי בימינא מאתינ דנפקונ מנ תלת שׁעינ בלליא
[24] טיבו דינ אפ בעירא איכ דנרכבונ לפולוס ונפלטונה לות פילכס הגמונא
[25] וכתב אגרתא יהב להונ דאית בה הכנא
[26] לוסיוס לפילכס הגמונא נציחא שׁלמ
[27] לגברא הנא אחדו יהודיא איכ דנקטלונה וקמת אנא עמ רהומיא ופרקתה כד ילפת דרהומיא הו
[28] וכד בעא הוית למדע עלתא דמטלתה רשׁינ הוו לה אחתתה לכנשׁהונ
[29] ואשׁכחת דעל זטמא דנמוסהונ רשׁינ הוו לה ועלתא דשׁויא לאסורא או למותא לית הוא לותה
[30] וכד אתבדק לי נכלא בכמאנא דעבדו עלוהי יהודיא מחדא שׁדרתה לותכ ופקדת לקטגרנוהי דנאתונ ונאמרונ עמה קדמיכ הוי חלימ
[31] הידינ רהומיא איכ דאתפקדו דברוהי לפולוס בלליא ואיתיוהי לאנטיפטרס מדינתא
[32] וליומא אחרנא שׁרו פרשׁא לרגלא חבריהונ דנהפכונ למשׁריתא
[33] ואיתיוהי לקסריא ויהבו אגרתא להגמונא ואקימוהי קדמוהי לפולוס
[34] וכד קרא אגרתא משׁאל הוא לה דמנ אידא הופרכיא איתוהי וכד ילפ דמנ קיליקיא
[35] אמר לה שׁמע אנא לכ מא דאתו קטגרניכ ופקד דנטרונה בפרטורינ דהרודס
|