|
[1]והוא דכד סלקינ שׁמעונ כאפא ויוחננ אכחדא להיכלא בעדנא דצלותא דתשׁע שׁעינ
[2]והא גברא חד חגירא דמנ כרס אמה שׁקילינ הוו אנשׁא אילינ דמעדינ הוו מיתינ וסימינ לה בתרעא דהיכלא דמתקרא שׁפירא דנהוא שׁאל זדקתא מנ הנונ דעאלינ להיכלא
[3]הנא כד חזא לשׁמעונ וליוחננ דעאלינ להיכלא בעא הוא מנהונ דנתלונ לה זדקתא
[4]וחרו בה שׁמעונ ויוחננ ואמרו לה חור בנ
[5]הו דינ חר בהונ כד סבר הוא למסב מנהונ מדמ
[6]אמר לה שׁמעונ דהבא וסאמא לית לי אלא מדמ דאית לי יהב אנא לכ בשׁמה דישׁוע משׁיחא נצריא קומ הלכ
[7]ואחדה באידה דימינא ואקימה ובה בשׁעתא שׁר רגלוהי ועקבוהי
[8]ושׁור קמ והלכ ועל עמהונ להיכלא כד מהלכ ומשׁור ומשׁבח לאלהא
[9]וחזאוהי כלה עמא כד מהלכ ומשׁבח לאלהא
[10]ואשׁתודעו דהויו הו חדורא דיתב הוא כליומ ושׁאל זדקתא על תרעא דמתקרא שׁפירא ואתמליו תמהא ודומרא על מדמ דהוא
[11]וכד אחיד הוא לשׁמעונ וליוחננ רהט כלה עמא כד תהיר לותהונ לאסטוא דמתקרא דשׁלימונ
[12]וכד חזא שׁמעונ ענא ואמר להונ גברא בני איסריל מנא מתדמרינ אנתונ בהנא או בנ מנא חירינ אנתונ איכ הו דבחילא דילנ או בשׁולטננ עבדנ הדא דנהלכ הנא
[13]אלהה הו דאברהמ ודאיסחק ודיעקוב אלהא דאבהתנ שׁבח לברה ישׁוע הו דאנתונ אשׁלמתונ וכפרתונ בה קדמ אפוהי דפילטוס כד הו זדק הוא דנשׁריוהי
[14]אנתונ דינ בקדישׁא וזדיקא כפרתונ ושׁאלתונ לכונ לגברא קטולא דנתיהב לכונ
[15]ולהו רשׁא דחיא קטלתונ דלה אקימ אלהא מנ בית מיתא וחננ כלנ סהדוהי
[16]ובהימנותא דשׁמה להנא דחזינ אנתונ וידעינ אנתונ הו אשׁר ואסי והימנותא דבה יהבת לה הדא חלימותא קדמ כלכונ
[17]ברמ השׁא אחי ידע אנא דבטועיי עבדתונ הדא איכ דעבדו רשׁיכונ
[18]ואלהא איכ מדמ דקדמ אכרז בפומ כלהונ נביא דנחשׁ משׁיחה מלי הכנא
[19]תובו הכיל ואתפנו איכנא דנתעטונ חטהיכונ ונאתונ לכונ זבנא דניחתא מנ קדמ פרצופה דמריא
[20]ונשׁדר לכונ לאינא דמטיב הוא לכונ לישׁוע משׁיחא
[21]דלה ולא לשׁמיא דנקבלונ עדמא למוליא דזבנא דכלהינ אילינ דמלל אלהא בפומא דנביוהי קדישׁא דמנ עלמ
[22]מושׁא גיר אמר דנביא נקימ לכונ מריא מנ אחיכונ אכותי לה שׁמעו בכל מא דנמלל עמכונ
[23]ותהוא כל נפשׁא אידא דלא תשׁמע לנביא הו תאבד נפשׁא הי מנ עמה
[24]ונביא כלהונ מנ שׁמואיל ואילינ דמנ בתרה הוו מללו ואכרזו על יומתא הנונ
[25]אנתונ אנונ בניהונ דנביא ודדיתקא אידא דסמ אלהא לאבהתנ כד אמר לאברהמ דבזרעכ נתברכנ כלהינ שׁרבתא דארעא
[26]לכונ מנ קדימ אקימ ושׁדר אלהא לברה כד מברכ לכונ אנ תתפנונ ותתובונ מנ בישׁתכונ
|