|
[1] קומו הכיל בחארותא הי דמשׁיחא חררנ ולא תתכדנונ תוב בנירא דעבדותא
[2] הא אנא פולוס אמר אנא לכונ דאנ תתגזרונ משׁיחא מדמ לא מהנא לכונ
[3] מסהד אנא דינ תוב לכל ברנשׁ דמתגזר דחיב הו דכלה נמוסא נעבד
[4] אתבטלתונ לכונ מנ משׁיחא אילינ דבנמוסא מזדדקיתונ ומנ טיבותא נפלתונ
[5] חננ גיר ברוחא דמנ הימנותא לסברא דזדיקותא מקויננ
[6] במשׁיחא גיר ישׁוע לא גזורתא מדמ איתיה ולא עורלותא אלא הימנותא דמתגמרא בחובא
[7] שׁפיר רהטינ הויתונ מנו דודכונ דלשׁררא לא תתטפיסונ
[8] פיסכונ לא הוא מנ הו דקרכונ
[9] חמירא קליל כלה גבילתא מחמע
[10] אנא תכיל אנא עליכונ במרנ דמדמ אחרינ לא מתרעיתונ ואינא דדלח לכונ הו נסיבריוהי לדינא מנ דאיתוהי
[11] אנא דינ אחי אלו עדכיל גזורתא מכרז הוית למנא מתרדפ הוית דלמא אתבטל לה כשׁלה דזקיפא
[12] אשׁתופ דינ אפ מפסק נפסקונ הנונ דדלחינ לכונ
[13] אנתונ דינ לחארותא הו אתקריתונ אחי בלחוד לא תהוא חארותכונ לעלת בסרא אלא בחובא הויתונ משׁתעבדינ חד לחד
[14] כלה גיר נמוסא בחדא מלתא מתמלא בהי דתחב לקריבכ איכ נפשׁכ
[15] אנ דינ חד לחד מנכתיתונ ואכליתונ חזו דלמא חד מנ חד תסופונ
[16] אמר אנא דינ דברוחא הויתונ מהלכינ ורגתא דבסרא לא מנ מתומ תעבדונ
[17] בסרא גיר ראג מדמ דנכא לרוחא ורוחא רגא מדמ דנכא לבסרא ותריהונ סקובלא אנונ חד דחד דלא מדמ דצביתונ תהוונ עבדינ
[18] אנ דינ ברוחא מתדברינ אנתונ לא הויתונ תחית נמוסא
[19] ידיעינ אנונ גיר עבדוהי דבסרא דאיתיהונ זניותא טנפותא צחנותא
[20] פולחנא דפתכרא חרשׁותא בעלדבבותא חרינא טננא חמתא עצינא פלגותא סדקא
[21] חסמא קטלא רויותא זמרא וכל דלהלינ דמינ ואילינ דהלינ סערינ איכ דמנ לוקדמ אמרת לכונ אפ השׁא אמר אנא דמלכותה דאלהא לא ירתינ
[22] פארא דינ דרוחא איתיהונ חובא חדותא שׁלמא מגרת רוחא בסימותא טבותא הימנותא
[23] מכיכותא מסיברנותא על הלינ נמוסא לא סימ
[24] אילינ דינ דדמשׁיחא אנונ בסרהונ זקפו עמ כלהונ כאבוהי ורגיגתה
[25] נחא הכיל ברוחא ולרוחא נשׁלמ
[26] ולא נהוא סריקי שׁובחא דמקלינ חד על חד וחסמינ חד בחד
|