|
[1] חובא דאחא נכתר בכונ
[2] ורחמתא דאכסניא לא תטעונ בהדא גיר שׁוו אנשׁא דכד לא רגישׁינ נקבלונ מלאכא
[3] עהדו לאילינ דאסירינ איכ הו דעמהונ אסירינ אנתונ אתדכרו לאילינ דאליצינ איכ אנשׁא דבסרא לבישׁינ אנתונ
[4] מיקר הו זווגא בכל וערסהונ דכיא הי לזניא דינ ולגירא דאנ אלהא
[5] לא הוא רחמ כספא רעינכונ אלא נספק לכונ מדמ דאית לכונ הו גיר מריא אמר דלא אשׁבקכ ולא ארפא בכ אידיא
[6] ואית לנ דנאמר תכילאית מרי מעדרני לא אדחל מנא עבד לי ברנשׁא
[7] הויתונ עהדינ למדברניכונ אילינ דמללו עמכונ מלתא דאלהא אתבקו בשׁולמא דדובריהונ ומרו בהימנותהונ
[8] ישׁוע משׁיחא אתמלי ויומנא הויו ולעלמ
[9] ליולפנא נוכריא ומשׁחלפא לא תתדברונ שׁפיר הו גיר דבטיבותא נשׁרר לבותנ ולא במאכלתא מטל דלא אתעדרו אילינ דהלכו בהינ
[10] אית לנ דינ מדבחא דלא שׁליט למאכל מנה להנונ דבמשׁכנא משׁמשׁינ
[11] חיותא גיר הלינ דמעל הוא דמהינ רב כומרא לבית מקדשׁא חלפ חטהא בסרהינ יקד הוא לבר מנ משׁריתא
[12] מטל הנא אפ ישׁוע דנקדשׁ לעמה בדמה לבר מנ מדינתא חשׁ
[13] ואפ חננ הכיל נפוק לותה לבר מנ משׁריתא כד שׁקילינ חננ חסדה
[14] לית לנ גיר מדינתא דמקויא הרכא אלא לאידא דעתידא מסכינ חננ
[15] ובאידה נסק דבחא דתשׁבוחתא בכלזבנ לאלהא דאיתיה פארא דספותא דמודינ לשׁמה
[16] ולא תטעונ מרחמנותא ושׁותפותא דמסכנא בהלינ גיר דבחא שׁפר אנשׁ לאלהא
[17] אתטפיסו למדברניכונ ואשׁתמעו להונ הנונ גיר שׁהרינ חלפ נפשׁתכונ איכ אנשׁא דיהבינ חושׁבנכונ דבחדותא נהוונ עבדינ הדא ולא בתנחתא מטל דלא פקחא לכונ
[18] צלו עלינ תכילינ חננ דינ דתארתא טבתא אית לנ דבכל מדמ צבינ חננ דשׁפיר נתדבר
[19] יתיראית בעא אנא מנכונ דתעבדונ הדא דבעגל אתפנא לכונ
[20] אלהא דינ דשׁלמא הו דאסק מנ בית מיתא לרעיא רבא דמרעיתא בדמא דדיתקא דלעלמ דאיתוהי ישׁוע משׁיחא מרנ
[21] הו נגמורכונ בכל עבד טב דתעבדונ צבינה והו נסעור בנ מדמ דשׁפיר קדמוהי ביד ישׁוע משׁיחא דלה שׁובחא לעלמ עלמינ אמינ
[22] בעא אנא דינ מנכונ אחי דתגרונ רוחכונ במלתא דבויאא מטל דבזעוריתא הו כתבת לכונ
[23] דעו דינ לאחונ טימתאוס דאשׁתרי ואנ בעגל נאתא עמה אחזיכונ
[24] שׁאלו בשׁלמא דכלהונ מדברניכונ ודכלהונ קדישׁא שׁאלינ בשׁלמכונ כלהונ דמנ איטליא
[25] טיבותא עמ כלכונ אמינ
|