|
[1]הנא דינ מלכיזדק איתוהי מלכ שׁלימ כומרא דאלהא מרימא והו ארעה לאברהמ כד הפכ מנ חרבא דמלכא וברכה
[2]ולה פרשׁ אברהמ מעסרא מנ כל מדמ דאית הוא עמה מתפשׁק דינ שׁמה מלכא דכאנותא ותוב מלכ שׁלימ דאיתוהי מלכא דשׁלמא
[3]דלא אבוהי ולא אמה אתכתבו בשׁרבתא ולא רשׁיתא דיומוהי ולא שׁולמא דחיוהי אלא בדמותא דברה דאלהא מקויא כומרותה לעלמ
[4]חזו דינ כמא רב הנא דאברהמ רישׁ אבהתא לה יהב מעסרא ורשׁיתא
[5]אילינ גיר מנ בני לוי דמקבלינ הוו כומרותא פוקדנא אית הוא להונ דנמוסא דנסבונ מעסרא מנ עמא הנונ מנ אחיהונ כד אפ הנונ מנ חצה דאברהמ נפקו
[6]הנא דינ דלא כתיב בשׁרבתהונ מעסרא שׁקל מנ אברהמ וברכה להו דקבל מולכנא
[7]דלא חרינא דינ הו דבציר מתברכ מנ הו דמיתר מנה
[8]והרכא בני אנשׁא דמיתינ נסבינ מעסרא להל דינ הו דאסהד עלוהי כתבא דחי הו
[9]ואיכ אנשׁ נאמר ביד אברהמ אפ לוי הו דמעסרא נסב הוא אפ הו אתעסר
[10]עדכיל גיר בחצה הוא דאבוהי כד ארעה למלכיזדק
[11]אלו הכיל גמירותא ביד כומרותא דלויא איתיה הות דבה סימ נמוסא לעלמא למנא מתבעא הוא כומרא אחרנא דנקומ בדמותה דמלכיזדק אמר דינ דבדמותה דאהרונ נהוא
[12]אלא איכנא דהוא שׁוחלפא בכומרותא הכנא הוא שׁוחלפא אפ בנמוסא
[13]הו גיר דאתאמר עלוהי הלינ מנ שׁרבתא הו אחרתא אתילד דאנשׁ ממתומ מנה לא שׁמשׁ במדבחא
[14]גליא הי גיר דמנ יהודא דנח מרנ מנ שׁרבתא דלא אמר עליה מושׁא מדמ על כומרותא
[15]ויתיראית תוב ידיעא בהי דאמר דבדמותה דמלכיזדק קאמ כומרא אחרנא
[16]הו דלא הוא בנמוסא דפוקדנא פגרניא הוא אלא בחילא דחיא דלא משׁתרינ
[17]מסהד גיר עלוהי דאנת הו כומרא לעלמ בדמותה דמלכיזדק
[18]שׁוחלפא דינ דהוא לפוקדנא קדמיא מטל מחילותה ודיותרנ לית הוא בה
[19]מדמ גיר לא גמר נמוסא על דינ חלפוהי סברא דמיתר מנה דבה מתקרבינ חננ לאלהא
[20]ושׁררה לנ במומתא
[21]הנונ גיר דלא מומתא הוו כומרא הנא דינ במומתא איכ דאמר לה ביד דויד דימא מריא ולא נדגל דאנת הו כומרא לעלמ בדמותה דמלכיזדק
[22]הנא כלה מיתרא דיתקא הדא דהוא בה ערבא ישׁוע
[23]והנונ הוו כומרא סגיאא מטל דמיתינ הוו ולא משׁתבקינ הוו דנקוונ
[24]הנא דינ מטל דלעלמ קימ לא עברא כומרותה
[25]ומשׁכח למחיו לעלמ לאילינ דמתקרבינ באידה לאלהא חי הו גיר בכלזבנ ומסק צלותא חלפיהונ
[26]דאיכ הנא גיר כומרא אפ זדק הוא לנ דכיא דלא בישׁו ודלא טולשׁא דפריק מנ חטהא ומרימ לעל מנ שׁמיא
[27]ולית לה אולצנא כליומ איכ רבי כומרא דלוקדמ חלפ חטהוהי נקרב דבחא והידינ חלפ עמא הדא גיר עבדה חדא זבנ בנפשׁה דקרב
[28]נמוסא גיר בנינשׁא הו כריהא מקימ כומרא מלתא דינ דמומתא דהות בתר נמוסא ברא גמירא לעלמ
|