|
[1] בקדמיתא דינ אית הוא בה פוקדא דתשׁמשׁתא ובית קודשׁא עלמניא
[2] משׁכנא גיר קדמיא דאתעבד אית הוא בה מנרתא ופתורא ולחמ אפא ומתקרא הוא בית קודשׁא
[3] משׁכנא דינ גויא דלגו מנ אפי תרעא דתרינ מתקרא הוא קדושׁ קודשׁא
[4] ואית הוא בה בית בסמא דדהבא וקבותא דדיתקא דקרימא כלה בדהבא ואית בה קסטא דדהבא הי דאית הוא בה מננא ושׁבטא דאהרונ הו דאפרע ולוחא דדיתקא
[5] ולעל מנה כרובא דשׁובחא דמטלינ על חוסיא לא הוא דינ זבנא הו דנאמר על חדא חדא מנ הלינ דהכנא מתקננ הוי
[6] ולמשׁכנא בריא בכלזבנ עאלינ הוו כומרא ומשׁלמינ הוו תשׁמשׁתהונ
[7] למשׁכנא דינ דלגו מנה חדא הו בשׁנתא בלחודוהי עאל הוא רב כומרא בדמא הו דמקרב הוא חלפ נפשׁה וחלפ סכלותה דעמא
[8] בהדא דינ מודעא הות רוחא דקודשׁא דלא אתגלית עדכיל אורחא דקדישׁא כמאזבנא דאית הוא קימא למשׁכנא קדמיא
[9] ואיתוהי הוא מתלא הנא לזבנא הו דבה קורבנא ודבחא מתקרבינ הוו אילינ דלא משׁכחינ הוו למגמר תארתה דמנ דמקרב להונ
[10] אלא במאכלא ובמשׁתיא בלחוד ובמעמודיתא דזנינ זנינ דאיתיהינ פוקדא דבסרא דסימינ עדמא לזבנא דתורצא
[11] משׁיחא דינ דאתא הוא רב כומרא דטבתא דסער ועל למשׁכנא רבא ומשׁלמנא דלא עביד באידיא ולא הוא מנ הלינ בריתא
[12] ולא על בדמא דצפריא ודעגלא אלא בדמא דנפשׁה על חדא זבנ לבית מקדשׁא ואשׁכח פורקנא דלעלמ
[13] אנ גיר דמא דצפריא ודעגלא וקטמא דעגלתא מתרסס הוא על אילינ דמתטמאינ הוו ומקדשׁ להונ לדוכיא דבסרהונ
[14] כמא הכיל יתיראית דמה דמשׁיחא דברוחא דלעלמ נפשׁה קרב דלא מומ לאלהא נדכא תארתנ מנ עבדא מיתא דנשׁמשׁ לאלהא חיא
[15] מטל הנא הו הוא מצעיא דדיתקא חדתא דבמותה הו הוא פורקנא לאילינ דעברו על דיתקא קדמיתא דנסבונ מולכנא אילינ דאתקריו לירתותא דלעלמ
[16] איכא גיר דאית דיתקא מותא הו מחויא דהו דעבדה
[17] על מיתא הו דינ בלחוד משׁתררא מטל דכמא דחי הו דעבדה לית בה חשׁחו
[18] מטל הנא אפ לא קדמיתא דלא דמא אשׁתררת
[19] כד אתפקד גיר כלה פוקדנא מנ מושׁא לעמא כלה בנמוסא נסב הוא מושׁא דמא דעגלתא ומיא בעמרא דזחוריתא וזופא ורס על ספרא ועל עמא כלה
[20] ואמר להונ דהנו דמא דדיתקא הי דאתפקדת לכונ מנ אלהא
[21] אפ על משׁכנא ועל כלהונ מאנא דתשׁמשׁתא מנה מנ דמא רס
[22] מטל דכל מדמ בדמא הו מתדכא בנמוסא ודלא שׁופע דמא לית שׁובקנא
[23] אננקא הי גיר דהלינ דדמותא אנינ דשׁמיניתא בהלינ מתדכינ הלינ דינ שׁמיניתא בדבחא דמיתרינ מנ הלינ
[24] לא הוא גיר לבית מקדשׁא דעביד באידיא על משׁיחא דאיתוהי דמותא דהו שׁרירא אלא לה לשׁמיא על דנתחזא קדמ פרצופה דאלהא חלפינ
[25] אפ לא דנקרב נפשׁה זבנתא סגיאתא איכ דעבד הוא רב כומרא ועאל בכל שׁנא לבית מקדשׁא בדמא דלא דילה
[26] ואנ לא חיב הוא דזבנתא סגיאתא נחשׁ מנ שׁוריה דעלמא השׁא דינ בחרתה דעלמא חדא הו זבנ קרב נפשׁה בדביחותה דנבטליה לחטיתא
[27] ואיכנא דסימ לבני אנשׁא דחדא זבנ נמותונ ומנ בתר מותהונ דינא
[28] הכנא אפ משׁיחא חדא זבנ אתקרב ובקנומה דבח חטהא דסגיאא דתרתינ דינ זבנינ דלא חטהינ מתחזא לחייהונ דאילינ דמסכינ לה
|