|
[1] ܘܲܥ̣ܢܵܐ ܒܸܠܕܵܕ݂ ܫܘܿܚܵܝܵܐ: ܘܐܸܡܲܪ.
[2] ܫܘܼܠܛܵܢܵܐ ܘܕܸܚ̱ܠܬ̣ܵܐ ܥܲܡܹܗ. ܥ̣ܒܲܕ݂ ܫܠܵܡܵܐ ܒܲܡܪܵܘܡܵܘܗܝ.
[3] ܘܠܲܝܬ̇ ܡܸܢܝܵܢܵܐ ܠܚܲܝܠܹܗ. ܘܥܲܠ ܡܲܢ̣ܘܼ ܠܵܐ ܕܵܢܲܚ ܢܘܼܗܪܹܗ.
[4] ܘܐܲܝܟܲܢܵܐ ܡܸܫܟܲܚ ܒܲܪܢܵܫܵܐ ܠܡܸܙܟܵܐ ܡ̣ܢ ܐܲܠܵܗܵܐ. ܐܵܘ ܐܲܝܟܲܢܵܐ ܙܵܟܹ̇ܐ ܝܑܼܠܝܼܕ݂ ܐܲܢ̄ܬ̇ܬ̣ܵܐ.
[5] ܗܵܐ ܣܲܗܪܵܐ ܠܵܐ ܡܸܫܟܲܚ ܠܡܸܙܟܵܐ. ܘܟ݂ܵܘܿܟ̇ܒܹ̈ܐ ܠܵܐ ܙܲܟܵܝܑܝܼ̈ܢ ܩܕ݂ܵܡܵܘܗܝ.
[6] ܫܲܪܝܼܪܵܐܝܼܬ̣ ܕܹܝܢ ܐ̄ܢܵܫܵܐ ܪܸܡܬ̣ܵܐ ܗ̄ܘܼ: ܘܒܲܪܢܵܫܵܐ ܬܵܘܠܥܵܐ.
|