|
[1] אמר להונ דינ אפ מתלא דבכל עדנ נצלונ ולא תמאנ להונ
[2] דינא חד אית הוא במדינתא חדא דמנ אלהא לא דחל הוא ומנ בנינשׁא לא מתכחד הוא
[3] ארמלתא דינ חדא אית הות במדינתא הי ואתיא הות לותה ואמרא תבעיני מנ בעל דיני
[4] ולא צבא הוא זבנא סגיאא בתרכנ דינ אמר בנפשׁה אנ מנ אלהא לא דחל אנא ומנ בנינשׁא לא מתכחד אנא
[5] אפנ מטל דמלאיא לי הדא ארמלתא אתבעיה דלא בכל עדנ תהוא אתיא מהרא לי
[6] ואמר מרנ שׁמעו מנא אמר דינא דעולא
[7] אלהא דינ לא יתיראית נעבד תבעתא לגבוהי דקרינ לה באיממא ובלליא ומגר רוחה עליהונ
[8] אמר אנא לכונ דנעבד תבעתהונ בעגל ברמ נאתא ברה דאנשׁא ונשׁכח כי הימנותא על ארעא
[9] ואמר הוא מתלא הנא לוקבל אנשׁא אילינ דתכילינ על נפשׁהונ דאיתיהונ זדיקא ובסינ על כל אנשׁ
[10] תרינ גברינ סלקו להיכלא למצליו חד פרישׁא ואחרנא מכסא
[11] והו פרישׁא קאמ הוא בינוהי לנפשׁה והלינ מצלא הוא אלהא מודא אנא לכ דלא הוית איכ שׁרכא דאנשׁא חטופא ועלובא וגירא ולא איכ הנא מכסא
[12] אלא צאמ אנא תרינ בשׁבתא ומעסר אנא כל מדמ דקנא אנא
[13] הו דינ מכסא קאמ הוא מנ רוחקא ולא צבא הוא אפ לא עינוהי נרימ לשׁמיא אלא טרפ הוא על חדיה ואמר אלהא חוניני לחטיא
[14] אמר אנא לכונ דנחת הנא מזדק לביתה יתיר מנ הו פרישׁא כל אנשׁ גיר דנרימ נפשׁה נתמככ וכל מנ דנמכ נפשׁה נתתרימ
[15] קרבו הוו לה דינ אפ ילודא דנקרוב להונ וחזו אנונ תלמידוהי וכאו בהונ
[16] הו דינ ישׁוע קרא אנונ ואמר להונ שׁבוקו טליא אתינ לותי ולא תכלונ אנונ דדאילינ גיר דאיכ הלינ אנונ דילהונ הי מלכותא דשׁמיא
[17] אמינ אמר אנא לכונ דמנ דלא נקבל מלכותא דאלהא איכ טליא לא נעול לה
[18] ושׁאלה חד מנ רשׁנא ואמר לה מלפנא טבא מנא אעבד דארת חיא דלעלמ
[19] אמר לה ישׁוע מנא קרא אנת לי טבא לית טבא אלא אנ חד אלהא
[20] פוקדנא ידע אנת לא תקטול ולא תגור ולא תגנוב לא תסהד סהדותא דשׁוקרא יקר לאבוכ ולאמכ
[21] אמר לה הלינ כלהינ נטרת אנינ מנ טליותי
[22] כד שׁמע דינ ישׁוע אמר לה חדא חסירא לכ זל זבנ כל מדמ דאית לכ והב למסכנא ותהוא לכ סימתא בשׁמיא ותא בתרי
[23] הו דינ כד שׁמע הלינ כרית לה עתיר הוא גיר טב
[24] וכד חזא ישׁוע דכרית לה אמר איכנא עטלא לאילינ דאית להונ נכסא דנעלונ למלכותה דאלהא
[25] דלילא הי לגמלא דבחרורא דמחטא נעול או עתירא למלכותה דאלהא
[26] אמרינ לה אילינ דשׁמעו ומנו משׁכח למחא
[27] ישׁוע דינ אמר אילינ דלות בנינשׁא לא משׁכחנ לות אלהא משׁכחנ למהוא
[28] אמר לה שׁמעונ כאפא הא חננ שׁבקנ כל מדמ ואתינ בתרכ
[29] אמר לה ישׁוע אמינ אמר אנא לכונ דלית אנשׁ דשׁבק בתא או אבהא או אחא או אנתתא או בניא מטל מלכותא דאלהא
[30] ולא נקבל באעפא סגיאא בהנא זבנא ובעלמא דאתא חיא דלעלמ
[31] ודבר ישׁוע לתרעסרתה ואמר להונ הא סלקינ חננ לאורשׁלמ ומשׁתלמנ כלהינ דכתיבנ בנביא על ברה דאנשׁא
[32] נשׁתלמ גיר לעממא ונבזחונ בה ונרקונ באפוהי
[33] וננגדוניהי ונצערוניהי ונקטלוניהי וליומא דתלתא נקומ
[34] הנונ דינ חדא מנ הלינ לא אסתכלו אלא מכסיא הות מנהונ מלתא הדא ולא ידעינ הוו הלינ דמתמללנ עמהונ
[35] וכד קריב לאיריחו סמיא חד יתב הוא על יד אורחא וחדר
[36] ושׁמע קל כנשׁא דעבר ומשׁאל הוא דמנו הנא
[37] אמרינ לה ישׁוע נצריא עבר
[38] וקעא ואמר ישׁוע ברה דדויד אתרחמ עלי
[39] ואילינ דאזלינ הוו קדמוהי דישׁוע כאינ הוו בה דנשׁתוק הו דינ יתיראית קעא הוא ברה דדויד אתרחמ עלי
[40] וקמ ישׁוע ופקד דנקרוניהי לותה וכד קרב לותה שׁאלה
[41] ואמר לה מנא צבא אנת אעבד לכ הו דינ אמר מרי דאחזא
[42] וישׁוע אמר לה חזי הימנותכ אחיתכ
[43] וברשׁעתה חזא ואתא הוא בתרה ומשׁבח לאלהא וכלה עמא דחזא יהב הוא שׁובחא לאלהא
|