|
[1] וכד שׁלמ מלא כלהינ למשׁמעתה דעמא על ישׁוע לכפרנחומ
[2] עבדה דינ דקנטרונא חד עביד הוא בישׁאית אינא דיקיר הוא עלוהי וקריב הוא לממת
[3] ושׁמע על ישׁוע ושׁדר לותה קשׁישׁא דיהודיא ובעא הוא מנה איכ דנאתא נחא לעבדה
[4] הנונ דינ כד אתו לות ישׁוע בעינ הוו מנה בטילאית ואמרינ שׁוא הו דתעבד לה הדא
[5] רחמ גיר לעמנ ואפ בית כנושׁתא הו בנא לנ
[6] ישׁוע דינ אזל הוא עמהונ כד דינ לא סגי רחיק מנ ביתא שׁדר לותה קנטרונא רחמוהי ואמר לה מרי לא תעמל לא גיר שׁוא אנא דתעול תחית מטללי
[7] מטל הו אנא לא שׁוית דלותכ אתא אלא אמר במלתא ונתאסא טליי
[8] אפ אנא גיר גברא אנא דמשׁעבד אנא תחית שׁולטנא ואית תחית אידי אסטרטיוטא ואמר אנא להנא דזל ואזל ולאחרנא דתא ואתא ולעבדי דעבד הדא ועבד
[9] כד שׁמע דינ ישׁוע הלינ אתדמר בה ואתפני ואמר לכנשׁא דאתא בתרה אמר אנא לכונ דאפ לא בית יסריל אשׁכחת איכ הדא הימנותא
[10] והפכו הנונ דאשׁתדר לביתא ואשׁכחו לעבדא הו דכריה הוא כד חלימ
[11] והוא ליומא דבתרה אזל הוא למדינתא דשׁמה נאינ ותלמידוהי עמה וכנשׁא סגיאא
[12] וכד קרב לתרעא דמדינתא חזא כד מלוינ מיתא דיחידיא הוא לאמה והי אמה ארמלתא הות וכנשׁא סגיאא דבני מדינתא עמה
[13] חזה דינ ישׁוע ואתרחמ עליה ואמר לה לא תבכינ
[14] ואזל קרב לערסא והנונ דשׁקילינ הוו לה קמו ואמר עלימא לכ אמר אנא קומ
[15] ויתב הו מיתא ושׁרי לממללו ויהבה לאמה
[16] ואחדת דחלתא לאנשׁא כלהונ ומשׁבחינ הוו לאלהא ואמרינ דנביא רבא קמ בנ וסער אלהא לעמה
[17] ונפקת עלוהי מלתא הדא בכלה יהוד ובכלה אתרא דחדריהונ
[18] ואשׁתעיו ליוחננ תלמידוהי הלינ כלהינ
[19] וקרא יוחננ לתרינ מנ תלמידוהי ושׁדר אנונ לות ישׁוע ואמר אנת הו הו דאתא או לאחרינ הו מסכינ חננ
[20] ואתו לות ישׁוע ואמרינ לה יוחננ מעמדנא שׁדרנ לותכ ואמר אנת הו הו דאתא או לאחרינ הו מסכינ חננ
[21] בה דינ בהי שׁעתא סגיאא אסי מנ כורהנא ומנ מחותא ומנ רוחא בישׁתא ולסגיאא סמיא יהב הוא למחזא
[22] וענא ישׁוע ואמר להונ זלו אמרו ליוחננ כל מדמ דחזיתונ ושׁמעתונ דסמיא חזינ וחגירא מהלכינ וגרבא מתדכינ וחרשׁא שׁמעינ ומיתא קימינ ומסכנא מסתברינ
[23] וטובוהי למנ דלא נתכשׁל בי
[24] כד דינ אזלו תלמידוהי דיוחננ שׁרי ישׁוע למאמר לכנשׁא על יוחננ מנא נפקתונ לחורבא למחזא קניא דמנ רוחא מתתזיע
[25] ואנ לא מנא נפקתונ למחזא גברא דנחתא רכיכא לבישׁ הא אילינ דבלבושׁא משׁבחא ובפונקא איתיהונ בית מלכא אנונ
[26] ואנ לא מנא נפקתונ למחזא נביא אינ אמר אנא לכונ ויתיר מנ נביא
[27] הנו דעלוהי כתיב דהא אנא משׁדר אנא מלאכי קדמ פרצופכ דנתקנ אורחא קדמיכ
[28] אמר אנא לכונ דלית נביא בילידי נשׁא דרב מנ יוחננ מעמדנא זעורא דינ במלכותא דאלהא רב הו מנה
[29] וכלה עמא דשׁמעו אפ מכסא זדקו לאלהא דעמדו מעמודיתה דיוחננ
[30] פרישׁא דינ וספרא טלמו בנפשׁהונ צבינא דאלהא דלא אתעמדו מנה
[31] למנ הכיל אדמא לאנשׁא דשׁרבתא הדא ולמנ דמינ
[32] דמינ לטליא דיתבינ בשׁוקא וקעינ לחבריהונ ואמרינ זמרנ לכונ ולא רקדתונ ואלינ לכונ ולא בכיתונ
[33] אתא גיר יוחננ מעמדנא לא אכל לחמא ולא שׁתא חמרא ואמרינ אנתונ שׁאדא אית בה
[34] אתא ברה דאנשׁא אכל ושׁתא ואמרינ אנתונ הא גברא אכולא ושׁתא חמרא ורחמא דמכסא ודחטיא
[35] ואזדדקת חכמתא מנ כלהונ בניה
[36] אתא דינ בעא מנה חד מנ פרישׁא דנלעס עמה ועל לביתה דפרישׁא הו אסתמכ
[37] ואנתתא חטיתא אית הות במדינתא הי וכד ידעת דבביתה דפרישׁא הו סמיכ נסבת שׁטיפתא דבסמא
[38] וקמת בסתרה לות רגלוהי ובכיא הות ושׁרית בדמעיה מצבעא רגלוהי ובסערא דרשׁה משׁויא להינ ומנשׁקא הות רגלוהי ומשׁחא בסמא
[39] כד חזא דינ פרישׁא הו דקריהי אתחשׁב בנפשׁה ואמר הנא אלו נביא הוא ידע הוא מנ הי ומא טבה דחטיתא הי אנתתא הי דקרבת לה
[40] ענא דינ ישׁוע ואמר לה שׁמעונ מדמ אית לי דאמר לכ הו דינ אמר לה אמר רבי אמר לה ישׁוע
[41] תרינ חיבא אית הוו לחד מרא חובא חד חיב הוא לה דינרא חמשׁמאא ואחרנא דינרא חמשׁינ
[42] ודלית הוא להונ למפרע לתריהונ שׁבק אינא הכיל מנהונ יתיר נחביוהי
[43] ענא שׁמעונ ואמר סבר אנא דהו דאשׁתבק לה סגי אמר לה ישׁוע תריצאית דנת
[44] ואתפני לות הי אנתתא ואמר לשׁמעונ חזא אנת אנתתא הדא לביתכ עלת מיא לרגלי לא יהבת הדא דינ בדמעיה רגלי צבעת ובסערה שׁוית אנינ
[45] אנת לא נשׁקתני הדא דינ הא מנ דעלת לא שׁלית רגלי למנשׁקו
[46] אנת משׁחא לרשׁי לא משׁחת הדא דינ במשׁחא דבסמא רגלי משׁחת
[47] חלפ הדא אמר אנא לכ דשׁביקינ לה חטהיה סגיאא מטל דאחבת סגי הו דינ דקליל משׁתבק לה קליל מחב
[48] ואמר להי אנתתא שׁביקינ לכי חטהיכי
[49] שׁריו דינ הנונ דסמיכינ אמרינ בנפשׁהונ מנו הנא דאפ חטהא שׁבק
[50] ישׁוע דינ אמר להי אנתתא הימנותכי אחיתכי זלי בשׁלמא
|