|
[1] דמיא גיר מלכותא דשׁמיא לגברא מרא ביתא דנפק בצפרא דנאגור פעלא לכרמה
[2] קץ דינ עמ פעלא מנ דינרא ביומא ושׁדר אנונ לכרמה
[3] ונפק בתלת שׁעינ וחזא אחרנא דקימינ בשׁוקא ובטילינ
[4] ואמר להונ זלו אפ אנתונ לכרמא ומדמ דולא יהב אנא לכונ
[5] הנונ דינ אזלו ונפק תוב בשׁת ובתשׁע שׁעינ ועבד הכות
[6] ולאפי חדעסרא שׁעינ נפק ואשׁכח אחרנא דקימינ ובטילינ ואמר להונ מנא קימינ אנתונ יומא כלה ובטלינ
[7] אמרינ לה דלא אנשׁ אגרנ אמר להונ זלו אפ אנתונ לכרמא ומדמ דולא נסבינ אנתונ
[8] כד הוא דינ רמשׁא אמר מרא כרמא לרביתה קרי פעלא והב להונ אגרהונ ושׁרא מנ אחריא ועדמא לקדמיא
[9] ואתו הנונ דחדעסרא שׁעינ נסבו דינר דינר
[10] וכד אתו קדמיא סברו דיתיר שׁקלינ ושׁקלו דינר דינר אפ הנונ
[11] וכד שׁקלו רטנו על מרא ביתא
[12] ואמרינ הלינ אחריא חדא שׁעא עבדו ואשׁוית אנונ עמנ דשׁקלנ יוקרה דיומא וחומה
[13] הו דינ ענא ואמר לחד מנהונ חברי לא מעול אנא בכ לא הוא בדינר קצת עמי
[14] סב דילכ וזל צבא אנא דינ דלהנא אחריא אתל איכ דלכ
[15] או לא שׁליט לי דמדמ דצבא אנא אעבד בדילי או עינכ בישׁא דאנא טב אנא
[16] הכנא נהוונ אחריא קדמיא וקדמיא אחריא סגיאינ אנונ גיר קריא וזעורינ גביא
[17] עתיד הוא דינ ישׁוע דנסק לאורשׁלמ ודבר לתרעסר תלמידוהי בינוהי ולהונ באורחא ואמר להונ
[18] הא סלקינ חננ לאורשׁלמ וברה דאנשׁא משׁתלמ לרבי כהנא ולספרא ונחיבוניהי למותא
[19] ונשׁלמוניהי לעממא ונבזחונ בה וננגדוניהי ונזקפוניהי וליומא דתלתא נקומ
[20] הידינ קרבת לה אמהונ דבני זבדי הי ובניה וסגדת לה ושׁאלא הות לה מדמ
[21] הו דינ אמר לה מנא צביא אנתי אמרא לה אמר דנתבונ הלינ תרינ בני חד מנ ימינכ וחד מנ סמלכ במלכותכ
[22] ענא ישׁוע ואמר לא ידעינ אנתונ מנא שׁאלינ אנתונ משׁכחינ אנתונ למשׁתא כסא דאנא עתיד למשׁתא או מעמודיתא דאנא עמד אנא תעמדונ אמרינ לה משׁכחינ חננ
[23] אמר להונ כסי תשׁתונ ומעמודיתא דאנא עמד אנא תעמדונ דתתבונ דינ מנ ימיני ומנ סמלי לא הות דילי דאתל אלא לאילינ דאתטיבת מנ אבי
[24] כד דינ שׁמעו עסרא רגזו על הנונ תרינ אחינ
[25] וקרא אנונ ישׁוע ואמר להונ ידעינ אנתונ דרשׁיהונ דעממא מריהונ אנונ ורורבניהונ שׁליטינ עליהונ
[26] לא הכנא נהוא בינתכונ אלא מנ דצבא בכונ דנהוא רבא נהוא לכונ משׁמשׁנא
[27] ומנ דצבא בכונ דנהוא קדמיא נהוא לכונ עבדא
[28] איכנא דברה דאנשׁא לא אתא דנשׁתמשׁ אלא דנשׁמשׁ ודנתל נפשׁה פורקנא חלפ סגיאא
[29] וכד נפק ישׁוע מנ איריחו אתא הוא בתרה כנשׁא סגיאא
[30] והא סמיא תרינ יתבינ הוו על יד אורחא וכד שׁמעו דישׁוע עבר יהבו קלא ואמרינ אתרחמ עלינ מרי ברה דדויד
[31] כנשׁא דינ כאינ הוו בהונ דנשׁתקונ והנונ יתיראית ארימו קלהונ ואמרינ מרנ אתרחמ עלינ ברה דדויד
[32] וקמ ישׁוע וקרא אנונ ואמר מנא צבינ אנתונ דאעבד לכונ
[33] אמרינ לה מרנ דנתפתחנ עינינ
[34] ואתרחמ עליהונ ישׁוע וקרב לעיניהונ ובר שׁעתה אתפתח עיניהונ ואזלו בתרה
|