|
[1]והוא דכד שׁלמ ישׁוע כלהינ מלא הלינ אמר לתלמידוהי
[2]ידעינ אנתונ דבתר תרינ יומינ הוא פצחא וברה דאנשׁא משׁתלמ דנזדקפ
[3]הידינ אתכנשׁו רבי כהנא וספרא וקשׁישׁא דעמא לדרתה דרב כהנא דמתקרא קיפא
[4]ואתמלכו על ישׁוע דבנכלא נאחדוניהי ונקטלוניהי
[5]ואמרינ הוו לא בעדעדא דלא נהוא שׁגושׁיא בעמא
[6]וכד הוא ישׁוע בבית-עניא בביתה דשׁמעונ גרבא
[7]קרבת לה אנתתא דאית עליה שׁטיפתא דמשׁחא דבסמא סגי דמיא ואשׁפעתה על רשׁה דישׁוע כד סמיכ
[8]חזו דינ תלמידוהי ואתבאשׁ להונ ואמרו למנא אבדנא הנא
[9]משׁכח הוא גיר דנזדבנ הנא בסגי ונתיהב למסכנא
[10]ישׁוע דינ ידע ואמר להונ מנא מלאינ אנתונ לה לאנתתא עבדא שׁפירא עבדת לותי
[11]בכלזבנ גיר מסכנא אית לכונ עמכונ לי דינ לא בכלזבנ אית לכונ
[12]הדא דינ דארמית בסמא הנא על גושׁמי איכ דלמקברני עבדת
[13]ואמינ אמר אנא לכונ דאיכא דתתכרז סברתי הדא בכלה עלמא נתמלל אפ מדמ דעבדת הדא לדוכרנה
[14]הידינ אזל חד מנ תרעסר דמתקרא יהודא סכריוטא לות רבי כהנא
[15]ואמר להונ מנא צבינ אנתונ למתל לי ואנא משׁלמ אנא לה לכונ הנונ דינ אקימו לה תלתינ דכספא
[16]ומנ הידינ בעא הוא לה פלעא דנשׁלמיוהי
[17]ביומא דינ קדמיא דפטירא קרבו תלמידא לות ישׁוע ואמרו לה איכא צבא אנת דנטיב לכ דתלעס פצחא
[18]הו דינ אמר להונ זלו למדינתא לות פלנ ואמרו לה רבנ אמר זבני מטא לה לותכ עבד אנא פצחא עמ תלמידי
[19]ותלמידוהי עבדו איכנא דפקד להונ ישׁוע וטיבו פצחא
[20]וכד הוא רמשׁא סמיכ הוא עמ תרעסר תלמידוהי
[21]וכד לעסינ אמרו אמינ אמר אנא לכונ דחד מנכונ משׁלמ לי
[22]וכרית להונ טב ושׁריו למאמר לה חד חד מנהונ למא אנא מרי
[23]הו דינ ענא ואמר מנ דצבע אידה עמי בלגתא הו נשׁלמני
[24]וברה דאנשׁא אזל איכנא דכתיב עלוהי וי לה דינ לגברא הו דבאידה ברה דאנשׁא משׁתלמ פקח הוא לה לגברא הו אלו לא אתילד
[25]ענא יהודא משׁלמנא ואמר דלמא אנא הו רבי אמר לה ישׁוע אנת אמרת
[26]כד דינ לעסינ שׁקל ישׁוע לחמא וברכ וקצא ויהב לתלמידוהי ואמר סבו אכולו הנו פגרי
[27]ושׁקל כסא ואודי ויהב להונ ואמרו סבו אשׁתו מנה כלכונ
[28]הנא הו דמי דדיתקא חדתא דחלפ סגיאא מתאשׁד לשׁובקנא דחטהא
[29]אמר אנא לכונ דינ דלא אשׁתא מנ השׁא מנ הנא ילדא דגפתא עדמא ליומא דבה אשׁתיוהי עמכונ חדתא במלכותה דאלהא
[30]ושׁבחו ונפקו לטור זיתא
[31]הידינ אמר להונ ישׁוע אנתונ כלכונ תתכשׁלונ בי בהנא לליא כתיב גיר דאמחא לרעיא ונתבדרונ ערבא דענה
[32]מנ בתר דקאמ אנא דינ קדמ אנא לכונ לגלילא
[33]ענא כאפא ואמר לה אפנ כל אנשׁ נתכשׁל בכ אנא ממתומ לא אתכשׁל בכ
[34]אמר לה ישׁוע אמינ אמר אנא לכ דבהנא לליא קדמ דנקרא תרנגלא תלת זבנינ תכפור בי
[35]אמר לה כאפא אנ נהוא לי לממת עמכ לא אכפור בכ והכות אפ כלהונ תלמידא אמרו
[36]הידינ אתא עמהונ ישׁוע לדוכתא דמתקריא גדסמנ ואמרו לתלמידוהי תבו הרכא עד אזל אצלא
[37]ודבר לכאפא ולתריהונ בני זבדי ושׁרי למתכמרו ולמתתעקו
[38]ואמר להונ כריא הי לה לנפשׁי עדמא למותא קוו לי הרכא ושׁהרו עמי
[39]ופרק קליל ונפל על אפוהי ומצלא הוא ואמר אבי אנ משׁכחא נעברני כסא הנא ברמ לא איכ דאנא צבא אנא אלא איכ דאנת
[40]ואתא לות תלמידוהי ואשׁכח אנונ כד דמכינ ואמר לכאפא הכנא לא אשׁכחתונ חדא שׁעא דתשׁהרונ עמי
[41]אתעירו וצלו דלא תעלונ לנסיונא רוחא מטיבא פגרא דינ כריה
[42]תוב אזל דתרתינ זבנינ צלי ואמר אבי אנ לא משׁכח הנא כסא דנעבר אלא אנ אשׁתיתה נהוא צבינכ
[43]ואתא תוב אשׁכח אנונ כד דמכינ עיניהונ גיר יקירנ הוי
[44]ושׁבק אנונ ואזל תוב צלי דתלת זבנינ ולה למלתא אמר
[45]הידינ אתא לות תלמידוהי ואמר להונ דמכו מכיל ואתתניחו הא מטת שׁעתא וברה דאנשׁא משׁתלמ באידיהונ דחטיא
[46]קומו נאזל הא מטא הו דמשׁלמ לי
[47]ועד הו ממלל הא יהודא משׁלמנא חד מנ תרעסרתא אתא וכנשׁא עמה סגיאא עמ ספסירא וחוטרא מנ לות רבי כהנא וקשׁישׁא דעמא
[48]ויהב הוא להונ אתא יהודא משׁלמנא ואמר להו דנשׁק אנא הויו לה אחודו
[49]ומחדא קרב לות ישׁוע ואמר שׁלמ רבי ונשׁקה
[50]הו דינ ישׁוע אמר לה על הי דאתית חברי הידינ אתקרבו וארמיו אידיהונ על ישׁוע ואחדוהי
[51]והא חד מנ הנונ דעמ ישׁוע אושׁט אידה ושׁמט ספסרא ומחיהי לעבדה דרב כהנא ושׁקלה אדנה
[52]הידינ אמר לה ישׁוע אהפכ ספסרא לדוכתה כלהונ גיר הנונ דנסבו סיפא בסיפא נמותונ
[53]או סבר אנת דלא משׁכח אנא דאבעא מנ אבי ונקימ לי השׁא יתיר מנ תרתעסרא לגיונינ דמלאכא
[54]איכנא הכיל נתמלונ כתבא דהכנא ולא דנהוא
[55]בהי שׁעתא אמר ישׁוע לכנשׁא איכ דעל גיסא נפקתונ בספסרא ובחוטרא דתאחדונני כליומ לותכונ בהיכלא יתב הוית ומלפ ולא אחדתונני
[56]הדא דינ דהות דנתמלונ כתבא דנביא הידינ תלמידא כלהונ שׁבקוהי וערקו
[57]והנונ דאחדוהי לישׁוע ואובלוהי לות קיפא רב כהנא איכא דספרא וקשׁישׁא כנישׁינ הוו
[58]שׁמעונ דינ כאפא אזל הוא בתרה מנ רוחקא עדמא לדרתה דרב כהנא ועל יתב לגו עמ דחשׁא דנחזא חרתא
[59]רבי כהנא דינ וקשׁישׁא וכנושׁתא כלה בעינ הוו על ישׁוע סהדא איכ דנמיתוניהי
[60]ולא אשׁכחו ואתו סגיאא סהדא דשׁוקרא אחרית דינ קרבו תרינ
[61]ואמרינ הנא אמר דמשׁכח אנא דאשׁרא היכלא דאלהא ולתלתא יומינ אבניוהי
[62]וקמ רב כהנא ואמר לה לא מדמ מפנא אנת פתגמא מנא מסהדינ עליכ הלינ
[63]ישׁוע דינ שׁתיק הוא וענא רב כהנא ואמר לה מומא אנא לכ באלהא חיא דתאמר לנ אנ אנת הו משׁיחא ברה דאלהא
[64]אמר לה ישׁוע אנת אמרת אמר אנא לכונ דינ דמנ השׁא תחזוניהי לברה דאנשׁא דיתב מנ ימינא דחילא ואתא על ענני שׁמיא
[65]הידינ רב כהנא צרי מאנוהי ואמר הא גדפ מנא מכיל מתבעינ לנ סהדא הא השׁא שׁמעתונ גודפה
[66]מנא צבינ אנתונ ענו ואמרינ חיב הו מותא
[67]הידינ רקו באפוהי ומקפחינ הוו לה אחרנא דינ מחינ הוו לה
[68]ואמרינ אתנבא לנ משׁיחא מנו הו דמחכ
[69]כאפא דינ יתב הוא לבר בדרתא וקרבת לותה אמתא חדא ואמרא לה אפ אנת עמ ישׁוע הוית נצריא
[70]הו דינ כפר קדמ כלהונ ואמר לא ידע אנא מנא אמרא אנתי
[71]וכד נפק לספא חזתה אחרתא ואמרא להונ דתמנ הוא אפ הנא עמ ישׁוע נצריא
[72]ותוב כפר במומתא דלא ידע אנא לה לגברא
[73]מנ בתר קליל דינ קרבו הנונ דקימינ ואמרו לכאפא שׁריראית אפ אנת מנהונ אנת אפ ממללכ גיר מודע לכ
[74]הידינ שׁרי למחרמו ולמאמא דלא ידע אנא לה לגברא ובה בשׁעתא קרא תרנגלא
[75]ואתדכר כאפא מלתא דישׁוע דאמר הוא לה דקדמ דנקרא תרנגלא תלת זבנינ תכפור בי ונפק לבר בכא מריראית
|