|
[1] חורו דינ בזדקתכונ דלא תעבדונה קדמ בני אנשׁא איכ דתתחזונ להונ ואלא אגרא לית לכונ לות אבוכונ דבשׁמיא
[2] אמתי הכיל דעבד אנת זדקתא לא תקרא קרנא קדמיכ איכ דעבדינ נסבי באפא בכנושׁתא ובשׁוקא איכ דנשׁתבחונ מנ בני אנשׁא ואמינ אמר אנא לכונ דקבלו אגרהונ
[3] אנת דינ מא דעבד אנת זדקתא לא תדע סמלכ מנא עבדא ימינכ
[4] איכ דתהוא זדקתכ בכסיא ואבוכ דחזא בכסיא הו נפרעכ בגליא
[5] ומא דמצלא אנת לא תהוא איכ נסבי באפא דרחמינ למקמ בכנושׁתא ובזויתא דשׁוקא למצליו דנתחזונ לבני אנשׁא ואמינ אמר אנא לכונ דקבלו אגרהונ
[6] אנת דינ אמתי דמצלא אנת עול לתונכ ואחוד תרעכ וצלא לאבוכ דבכסיא ואבוכ דחזא בכסיא נפרעכ בגליא
[7] ומא דמצלינ אנתונ לא הויתונ מפקקינ איכ חנפא סברינ גיר דבממללא סגיאא משׁתמעינ
[8] לא הכיל תדמונ להונ אבוכונ גיר ידע מנא מתבעא לכונ עדלא תשׁאלוניהי
[9] הכנא הכיל צלו אנתונ אבונ דבשׁמיא נתקדשׁ שׁמכ
[10] תאתא מלכותכ נהוא צבינכ איכנא דבשׁמיא אפ בארעא
[11] הב לנ לחמא דסונקננ יומנא
[12] ושׁבוק לנ חובינ איכנא דאפ חננ שׁבקנ לחיבינ
[13] ולא תעלנ לנסיונא אלא פצנ מנ בישׁא מטל דדילכ הי מלכותא וחילא ותשׁבוחתא לעלמ עלמינ
[14] אנ גיר תשׁבקונ לבנינשׁא סכלותהונ נשׁבוק אפ לכונ אבוכונ דבשׁמיא
[15] אנ דינ לא תשׁבקונ לבנינשׁא אפלא אבוכונ שׁבק לכונ סכלותכונ
[16] אמתי דינ דצימינ אנתונ לא תהוונ כמירא איכ נסבי באפא מחבלינ גיר פרצופיהונ איכ דנתחזונ לבנינשׁא דצימינ ואמינ אמר אנא לכונ דקבלו אגרהונ
[17] אנת דינ מא דצאמ אנת אשׁיג אפיכ ומשׁוח רשׁכ
[18] איכ דלא תתחזא לבנינשׁא דצאמ אנת אלא לאבוכ דבכסיא ואבוכ דחזא בכסיא הו נפרעכ
[19] לא תסימונ לכונ סימתא בארעא אתר דססא ואכלא מחבלינ ואיכא דגנבא פלשׁינ וגנבינ
[20] אלא סימו לכונ סימתא בשׁמיא איכא דלא ססא ולא אכלא מחבלינ ואיכא דגנבא לא פלשׁינ ולא גנבינ
[21] איכא גיר דאיתיה סימתכונ תמנ הו אפ לבכונ
[22] שׁרגא דפגרא איתיה עינא אנ עינכ הכיל תהוא פשׁיטא אפ כלה פגרכ נהיר הו
[23] אנ דינ עינכ תהוא בישׁא כלה פגרכ חשׁוכא נהוא אנ הכיל נוהרא דבכ חשׁוכא הו חשׁוככ כמא נהוא
[24] לא אנשׁ משׁכח לתרינ מרונ למפלח או גיר לחד נסנא ולאחרנא נרחמ או לחד ניקר ולאחרנא נשׁוט לא משׁכחינ אנתונ לאלהא למפלח ולממונא
[25] מטל הנא אמר אנא לכונ לא תאצפונ לנפשׁכונ מנא תאכלונ ומנא תשׁתונ ולא לפגרכונ מנא תלבשׁונ לא הא נפשׁא יתירא מנ סיברתא ופגרא מנ לבושׁא
[26] חורו בפרחתא דשׁמיא דלא זרעינ ולא חצדינ ולא חמלינ באוצרא ואבוכונ דבשׁמיא מתרסא להונ לא הא אנתונ מיתרינ אנתונ מנהונ
[27] מנו דינ מנכונ כד יצפ משׁכח למוספו על קומתה אמתא חדא
[28] ועל לבושׁא מנא יצפינ אנתונ אתבקו בשׁושׁנא דדברא איכנא רבינ דלא לאינ ולא עזלנ
[29] אמר אנא לכונ דינ דאפלא שׁלימונ בכלה שׁובחה אתכסי איכ חדא מנהינ
[30] אנ דינ לעמירא דחקלא דיומנא איתוהי ומחר נפל בתנורא אלהא הכנא מלבשׁ לא סגי יתיר לכונ זעורי הימנותא
[31] לא הכיל תאצפונ או תאמרונ מנא נאכול או מנא נשׁתא או מנא נתכסא
[32] כלהינ גיר הלינ עממא הו בעינ להינ אבוכונ דינ דבשׁמיא ידע דאפ לכונ מתבעינ הלינ כלהינ
[33] בעו דינ לוקדמ מלכותה דאלהא וזדיקותה וכלהינ הלינ מתתוספנ לכונ
[34] לא הכיל תאצפונ דמחר הו גיר מחר יצפ דילה ספק לה ליומא בישׁתה
|