⚠ Electronic Study Bible is currently under construction ⚠

＋
← Psalms Psa 126 →
[1]שִׁיר הַמַּעֲלֹות בְּשׁוּב יְהוָה אֶת־שִׁיבַת צִיֹּון הָיִינוּ כְּחֹלְמִים׃ [2]אָז יִמָּלֵא שְׂחֹוק פִּינוּ וּלְשֹׁונֵנוּ רִנָּה אָז יֹאמְרוּ בַגֹּויִם הִגְדִּיל יְהוָה לַעֲשֹׂות עִם־אֵלֶּה׃ [3]הִגְדִּיל יְהוָה לַעֲשֹׂות עִמָּנוּ הָיִינוּ שְׂמֵחִים׃ [4]שׁוּבָה יְהוָה אֶת־שְׁבוּתֵנוּ [Q: שְׁבִיתֵנוּ] כַּאֲפִיקִים בַּנֶּגֶב׃ [5]הַזֹּרְעִים בְּדִמְעָה בְּרִנָּה יִקְצֹרוּ׃ [6]הָלֹוךְ יֵלֵךְ וּבָכֹה נֹשֵׂא מֶשֶׁךְ־הַזָּרַע בֹּא־יָבֹוא בְרִנָּה נֹשֵׂא אֲלֻמֹּתָיו׃
Credit
Source: unbound.biola.edu
Info
A critical text edition of the Masoretic Text of the Hebrew Bible as preserved in the Leningrad Codex.