|
[1]The title of the thre and fiftithe salm. To victorie in orguns, ether in salmes, the lernyng of Dauid,
[2]`whanne Zyfeys camen, and seiden to Saul, Whethir Dauid is not hid at vs?
[3]God, in thi name make thou me saaf; and in thi vertu deme thou me.
[4]God, here thou my preier; with eeris perseyue thou the wordis of my mouth.
[5]For aliens han rise ayens me, and stronge men souyten my lijf; and thei settiden not God bifor her siyt.
[6]For, lo! God helpith me; and the Lord is vptaker of my soule.
|