⚠ Electronic Study Bible is currently under construction ⚠

＋
← Psalms Psa 61 →
[1]לַמְנַצֵּחַעַל־נְגִינַת לְדָוִד׃ [2]שִׁמְעָהאֱלֹהִים רִנָּתִי הַקְשִׁיבָה תְּפִלָּתִי׃ [3]מִקְצֵההָאָרֶץ אֵלֶיךָ אֶקְרָא בַּעֲטֹף לִבִּי בְּצוּר־יָרוּם מִמֶּנִּי תַנְחֵנִי׃ [4]כִּי־הָיִיתָמַחְסֶה לִי מִגְדַּל־עֹז מִפְּנֵי אֹויֵב׃ [5]אָגוּרָהבְאָהָלְךָ עֹולָמִים אֶחֱסֶה בְסֵתֶר כְּנָפֶיךָ סֶּלָה׃ [6]כִּי־אַתָּהאֱלֹהִים שָׁמַעְתָּ לִנְדָרָי נָתַתָּ יְרֻשַּׁת יִרְאֵי שְׁמֶךָ׃ [7]יָמִיםעַל־יְמֵי־מֶלֶךְ תֹּוסִיף שְׁנֹותָיו כְּמֹו־דֹר וָדֹר׃ [8]יֵשֵׁבעֹולָם לִפְנֵי אֱלֹהִים חֶסֶד וֶאֱמֶת מַן יִנְצְרֻהוּ׃ [9]כֵּןאֲזַמְּרָה שִׁמְךָ לָעַד לְשַׁלְּמִי נְדָרַי יֹום יֹום׃
Credit
Source: unbound.biola.edu
Info
A critical text edition of the Masoretic Text of the Hebrew Bible as preserved in the Leningrad Codex.