|
[1] ולמלאכא דבעדתא דאפסוס כתוב הכנא אמר הו דאחיד שׁבעא כוכבינ באידה הו דמהלכ בינת מנרתא דדהבא
[2] ידע אנא עבדיכ ועמלכ ומסיברנותכ ודלא מצית למטענ לבישׁא ונסית לאילינ דאמרינ נפשׁהונ דשׁליחא איתיהונ וליתיהונ ואשׁכחת אנונ דגלא
[3] ומסיברנותא אית לכ וטענת מטל שׁמי ולא לאית
[4] אלא אית לי עליכ דחובכ קדמיא שׁבקת
[5] אתדכר מנ איכא נפקת ועבד עבדא קדמיא ואנדינ לא אתא אנא עליכ ומזיע אנא מנרתכ אלא תתוב
[6] אלא הדא אית לכ דסנית עבדא דנאקוליטא אילינ דאנא סנא אנא
[7] הו דאית לה אדנא נשׁמע מנא רוחא ממלל לעדתא ולדזכא אתל מנ קיסא דחיא למאכל הו דאיתוהי בפרדיסא דאלהא
[8] ולמלאכא דעדתא דזמורנא כתוב הכנא אמר קדמיא ואחריא הו דהוא מיתא וחיא
[9] ידע אנא אולצנכ ומסכנותכ אלא עתירא אנת ולגודפא דמנ אילינ דאמרינ נפשׁהונ יהודיא יהודיא כד לא איתיהונ אלא כנושׁתא דסטנא
[10] במדמ לא תדחל מנ אילינ דעתיד אנת למחשׁ הא עתיד אכלקרצא דנרמא מנכונ בבית חבושׁיא דתתנסונ ונהוא לכונ אולצנא יומינ עסרא הוו מהימנא עדמא למותא ואתל לכונ כלילא דחיא
[11] דאית לה אדנא נשׁמע מנא רוחא ממלל לעדתא דאינא דזכא לא נהר מנ מותא תנינא
[12] ולמלאכא דבעדתא דפרגמא כתוב הכנא אמר הו דאית לה חרבא חריפתא דתרינ פומיה
[13] ידע אנא איכא עמרת אתר דכורסיה דסטנא ואחיד אנת בשׁמי ובהימנותי לא כפרת וביומתא אתחרית וסהדא דילי מהימנא מטל דכל סהדא דילי מהימנא אינא דמנכונ אתקטל
[14] אלא אית לי עליכ זעוריתא דאית לכ תמנ דאחידינ מלפנותא דבלעמ הו דאלפ לבלק דנרמא כשׁלא קדמ בני איסריל למאכל דבחי פתכרא ולמזניו
[15] הכנא אית אפ לכ דאחידינ יולפנא דנאקוליטא הכות
[16] תוב הכיל ואנדינ לא אתא אנא עליכ מחדא ואקרב עמהונ בחרבא דפומי
[17] ודאית לה אדנא נשׁמע מנא רוחא ממלל לעדתא דלדזכא אתל מנ מננא הו דמטשׁי ואתל לה חושׁבנא חורא ועל חושׁבנא שׁמא חדתא דכתבא דלא אנשׁ ידע אלא הו דנסב
[18] ולמלאכא דבעדתא דבתאוטירא כתוב הכנא אמר ברה דאלהא הו דאית לה עינא איכ שׁלהביתא דנורא ורגלוהי איכ נחשׁא לבניא
[19] ידע אנא עבדיכ וחובכ והימנותכ ותשׁמשׁתכ ומסיברנותכ ועבדיכ אחריא סגיאא אנונ מנ קדמיא
[20] אלא אית לי עליכ סגי דשׁבקת לאנתתכ איזבל הי דאמרא על נפשׁה דנביתא הי ומלפא ומטעיא לעבדי למזניו ומאכל דבחי פתכרא
[21] ויהבת לה זבנא לתיבותא ולא צביא למתב מנ זניותה
[22] הא רמא אנא לה בערסא ולאילינ דגירינ עמה באולצנא רבא אלא נתתוונ מנ עבדיהונ
[23] ולבניה אקטול במותא וידענ כלהינ עדתא דאנא אנא בצא כוליתא ולבא ואתל לכונ לכלנשׁ איכ עבדיכונ
[24] לכונ אמר אנא לשׁרכא דבתאוטירא כלהונ אילינ דלית להונ יולפנא הנא אילינ דלא ידעו עמיקתה דסטנא איכ דאמרינ לא ארמא עליכונ יוקרא אחרנא
[25] הו הכיל דאית לכונ אחודו עדמא דאתא אנא
[26] ודזכא ונטר עבדי אתל לה שׁולטנא על עממא
[27] למרעא אנונ בשׁבטא דפרזלא ואיכ מאני פחרא תשׁחקונ הכנא גיר ואנא נסבת מנ אבי
[28] ואתל לה לכוכב צפרא
[29] דאית לה אדנא נשׁמע מנא רוחא ממלל לעדתא
|