|
[1]וכד פתח טבעא דשׁבעא הוא שׁתקא בשׁמיא איכ פלגות שׁעא
[2]וחזית לשׁבעא מלאכינ אילינ דקדמ אלהא קימינ הוו דאתיהבו להונ שׁבעא שׁיפורינ
[3]ואחרנא מלאכא אתא וקמ על מדבחא ואית לה פירמא דדהבא ואתיהב לה בסמא סגיאא דנתל בצלותא דכלהונ קדישׁא על מדבחא דקדמ כורסיא
[4]וסלק עטרא דבסמא בצלותא דקדישׁא מנ יד מלאכא קדמ אלהא
[5]ונסב מלאכא לפירמא ומליהי מנ נורא דעל מדבחא וארמי על ארעא והוו רעמא וקלא וברקא ונודא
[6]ושׁבעא מלאכינ דעליהונ שׁבעא שׁיפורינ טיבו נפשׁהונ למזעקו
[7]והו קדמיא אזעק והוא ברדא ונורא דפתיכינ במיא ואתרמיו על ארעא ותולתה דארעא יקד ותולתא דאילנא יקד וכל עסבא דארעא יקד
[8]ודתרינ זעק והוא איכ טורא רבא דיקד נפל בימא והוא תולתה דימא דמא
[9]ומית תולתא דכל בריתא דבימא דאית בה נפשׁא ותולתא דאלפא אתחבל
[10]ודתלתא זעק ונפל מנ שׁמיא כוכבא רבא דיקד איכ שׁלהביתא ונפל על תולתא דנהרותא ועל עינתא דמיא
[11]ושׁמה דכוכבא מתאמר אפסיתנא והוא תולתהונ דמיא איכ אפסנתינ וסוגאא דבנינשׁא מיתו מטל דאתמרמרו מיא
[12]ודארבעא זעק ובלע תולתה דשׁמשׁא ותולתה דסהרא ותולתא דכוכבא וחשׁכו תולתהונ ויומא לא חוי תולתה ולליא הכות
[13]ושׁמעת לנשׁרא חד דפרח בשׁמיא דאמר וי וי וי לעמוריה דארעא מנ קלא דשׁיפורא דתלתא מלאכינ דעתידינ למזעקו
|