|
[1]מגעל אנא לכונ דינ לפובא חתנ דאיתיה משׁמשׁניתא דעדתא דקנכראוס
[2]דתקבלונה במרנ איכ דזדק לקדישׁא ובכל צבו דבעיא מנכונ תקומונ לה מטל דאפ הי קיומתא הות לסגיאא אפ לי
[3]שׁאלו בשׁלמא דפריסקלא ודאקלס פלחא דעמי בישׁוע משׁיחא
[4]דהנונ הלינ חלפ נפשׁי צוריהונ יהבו ולא הוא אנא בלחודי מודא אנא להונ אלא אפ כלהינ עדתא דעממא
[5]והבו שׁלמא לעדתא דאית בביתהונ שׁאלו בשׁלמא דאפנטוס חביבי אינא דאיתוהי רשׁיתא דאכאיא במשׁיחא
[6]שׁאלו בשׁלמא דמריא אידא דסגי לאית בכונ
[7]שׁאלו בשׁלמא דאנדרוניקוס ודיוניא אחיני דהוו שׁביא עמי וידיעינ אנונ בשׁליחא ובמשׁיחא קדמי הוו
[8]שׁאלו בשׁלמא דאמפליוס חביבי במרנ
[9]שׁאלו בשׁלמא דאורבנוס פלחא דעמנ במשׁיחא ודאסטכוס חביבי
[10]שׁאלו בשׁלמא דאפלא גביא במרנ שׁאלו בשׁלמא דבני ביתה דארסטבולוס
[11]שׁאלו בשׁלמא דהרודיונ אחיני שׁאלו בשׁלמא דבני ביתה דנרקסוס אילינ דאיתיהונ במרנ
[12]שׁאלו בשׁלמא דטרופנא ודטרופסא דלאיינ במרנ שׁאלו בשׁלמא דפרסס חביבתי אידא דסגי לאית במרנ
[13]שׁאלו בשׁלמא דרופס גביא במרנ ודאמה דילה ודילי
[14]שׁאלו בשׁלמא דאסונקרטוס ודפלגונ ודהרמא ודפטרבא ודהרמא ודאחא דעמהונ
[15]שׁאלו בשׁלמא דפיללגוס ודיוליא ודנארוס ודחתה ודאלומפא ודכלהונ קדישׁא דעמהונ
[16]שׁאלו בשׁלמא חד דחד בנושׁקתא קדישׁתא שׁאלנ בשׁלמכונ כלהינ עדתה דמשׁיחא
[17]בענא דינ מנכונ אחי דתזדהרונ מנ אילינ דפלגותא ומכשׁולא עבדינ לבר מנ יולפנא דאנתונ ילפתונ דתתרחקונ לכונ מנהונ
[18]אילינ גיר דהכנא אנונ לא משׁמשׁינ למרנ ישׁוע משׁיחא אלא לכרסהונ ובמלא בסימתא ובבורכתא מטעינ לבותא דפשׁיטא
[19]משׁתמענותכונ דינ דילכונ לכל ברנשׁ אתידעת חדא אנא הכיל בכונ וצבא אנא דתהוונ חכימינ לטבתא ותמימינ לבישׁתא
[20]אלהא דינ דשׁלמא נשׁחקיוהי בעגל לסטנא תחית רגליכונ טיבותה דמרנ ישׁוע משׁיחא תהוא עמכונ
[21]שׁאלינ בשׁלמכונ טימתאוס פלחא דעמי ולוקיוס ואיסונ וסוסיפטרוס אחיני
[22]שׁאל אנא בשׁלמכונ אנא טרטיוס דכתבת אגרתא במרנ
[23]שׁאל בשׁלמכונ גאיוס מקבלני ודכלה עדתא שׁאל בשׁלמכונ ארסטוס רביתא דמדינתא וקוארטוס אחא
[24]לאלהא דינ הו דמשׁכח דנשׁררכונ באונגליונ דילי הו דאתכרז על ישׁוע משׁיחא בגלינא דארזא דמנ זבני עלמא מכסי הוא
[25]אתגלי דינ בזבנא הנא ביד כתבא דנביא ובפוקדנה דאלהא דלעלמ אתידע לכלהונ עממא למשׁמעא דהימנותא
[26]דהויו חכימא בלחודוהי שׁובחא ביד ישׁוע משׁיחא לעלמעלמינ אמינ
[27]טיבותה דמרנ ישׁוע משׁיחא עמ כלכונ אמינ
|